Daniel 7
Daniel Manga Gamsa Lite
1Babylon kumpipa Belshazzar a kum masapen kumin Daniel in mang khat mana, a lupna tungah a lup laitakin a lungsim sungah mangmuhnate a va suak hi. A mangmatnate lai-in a gelh hi. 2 Daniel in, “Zana ka mangmuh inah, ka khuadak leh ka mai ah vantung huih lite in tuipi lian a mutgawp uh hi. 3A kibang lo gamsapi li, tuipi sung panin hong pusuakkhia to hi. a 4 “A khatna, humpinelkai tawh kibangin muvanlai kha a nei hi. Ka et laitakin a khate kibotkhia-a mihing bangin a khete gela a din nadingin leitung panin a kikhaang to hi; tua ciangin mihing lungsim kiguan hi. 5 “Tua ciangin a nihna gamsa ka mai-ah hong om a, vompi tawh kibang hi. A pang khatin kiphongto a, a hate in nakguh thum a kei kawm hi. Tua kiangah, ‘Ding inla sa na kham dong ne in!’ kici hi. b 6 “Tua khit ciangin ka et leh ka mai-ah gamsa dang khat na om a, gialbem tawh kibang hi. Vasa bangin a nungzangah kha li a nei hi. Hih gamsa in lutang li nei a, ukna za amah kipia hi. 7 “Tua khit ciangin zana ka mangmuhna ah ka et leh ka mai-ah gamsa a lina hong om hi - kihtakhuai-in lauhuai mahmah a, a hat mahmah hi. Tua in sik ha golpi khat nei a, tua tawh na a nek peuhpeuh haizanin valh a, a khamval teng a khe-in a tuancilgawp hi. A ma-a gamsa khempeuh tawh kibang loin ki sawm a nei hi. c 8 “A kite ka ngaihsutsut laitakin ka mai-ah tuate lak pan a pokhia ki neu adang khat hong om a, a mai-a omsa ki thumte a kibotkhia hi. Hih ki in mihing bangin mit nei a, kiphatsak pauna kam khat a nei hi. 9 “Ka etet laitakin, “kumpi tokhomte kiphah a,Tangkum Pu hong tu hi. d
A puansilhte vuk bangin pak a; e
a lu-a samte tuumul bangin a ngo hi. f
A kumpi tokhom meikuang zuahzuah hi a,
a tokhom peite khempeuh a tang leelaa hi. g
10 Meikuang gunpi luanga,
ama mai pana luang ahi hi. h
Tul tampi mun tul tampite in ama na a sem uh hi;
Tul sawm mun tul sawmte a mai-ah ding uh hi.
Thukhen zum ah kitu a,
tua ciangin laibute a kilem hi. i
11 “Tua ciangin tua ki in kiphatsakna kammalte pau ahi manin ka vil gige hi. Tua Gamsa kithatin a pumpi kisusia a meikuang sungah a kikhul dong ka en gega hi. 12(Gamsa dangte a thuneihna uh kilakkhiatsak a, ahi hangin hun khat sung a nuntak ding uh kiphal hi.) j 13 “Zana ka mangmuhna ah ka et leh ka mai-ah mihing tapa tawh kibang khat vana meii tungah tuangin hong pai hi. Amah in Tangkum Pu lam manawh a, ama omna munah kipaipih hi. 14Amah thuneihna, minthanna le alianpipen vangliatna kipia hi; mite, minamte le pau nam khempeuh in amah a bia uh hi. Ama ukna bei ngei loin a kisia ngei kei ding hi; ama kumpi-gam kuamah in a susia kei ding hi.
Tua Mang Khiatna
15 “Keimah Daniel, ka lungsim tawna hong suak ka mangmuhnate in hong linglawngsakin ka lungsim a patausak hi. 16Tua lai-a dingte khat kiang ka zuan a, hihte khempeuh a khiatna maan ka dong hi. k “Tua ciangin amah in hong genin, hihte khiatna hong hilha: 17‘Gamsa lite, leitunga hong khang ding kumpi li ahi hi. 18Ahi hangin Sangpen Pa misiangte in kumpi-gam ngah ding uh a, a nei tawntung ding uh hi - hihi a tawntungin nei den ding uh hi,’ ci hi. l 19 “Tua ciangin adangte khempeuh tawh a kibang lo a kihtak huai pipen, a sik ha le a sumngo khecin tawh - nek a neih ciangin haizan-a valh-in a khamval teng a tuancilgawp tua gamsa pen a khiatna maan ka thei nuam hi. 20Keimah in a lutunga ki sawm le tua lakah thumte kiakhia a, adang hong poto - ki dangte sang thupizaw tham leh a kilawm, mittang nei-in kiphatsakna a pau kam a neite thu zong ka thei nuam hi. 21Ka et laitakin hih ki in misiangte gal in do a, 22Tangkum Pu hong pai-in Sang Penpa misiangte angvanin thukhenna gena kumpi-gam a neih ding hun uh a tun masiah amaute a zo hi. 23 “Amah in hih bangin hong telgen hi: ‘Gamsa a lina in, leitunga om ding kumpi-gam lina ahi hi. Tua in kumpi-gam dang khempeuh tawh kibang lo dinga, leitung buppi valhtumin, suzanin a tuancil ding hi. 24Tua ki sawmte hih kumpi-gam pana piang kumpi sawm ahi hi. Tuate nungah kumpi khat khang dinga, a mai-ate tawh kilamdang ding hi; amah in kumpi thum a nuaisiah ding hi. 25Amah in Sang Penpa langdona kam pau dinga a misiangte nengniamin a kisehsa hun le upadite khek ding a hanciam ding hi. Ama tungah hun khat le hun lang ▼▼7.25 Ahikeh kum khat, kum nih le kum khat lang
sung misiangte a kipia ding hi. 26 “‘Ahi hangin thukhen hun kipan ta dinga, ama vangliatna kilakkhiat-sak mangin a tawntungin a kisia dikdek ding hi. 27Tua ciangin van kikupsin nuai-a kumpigam thupi-penna, vangliatna le liatnate Sang Penpa mi misiangte tungah ki-ap ding hi. Ama kumpi-gam in tawntung kumpi-gam hi dinga gam-ukte khempeuh in amah bia-in a thu a mang ding uh hi,’ ci hi. n 28 “Hih in hih thu a beina ahi hi. Keimah Daniel ka ngaihsutna in hong lauthawngsak mahmah a ka mai a daang hi, ahi zongin hih thu kei guak theihin ka im khinkhian hi,” a ci hi. o
Copyright information for
ZomZIV